Abstract:
Muhumbulo muhulawane wa ṱhoḓisiso iyi ho vha u sengulusa ndeme ya mikhwa na vhuḓifari zwo ḓisendeka kha ngano dza Tshivenḓa.
Ngudo iyi yo zwi bvisela khagala na u tumbula uri ndi zwa ndeme vhukuma u anetshela vhana ngano sa izwi dzi dzone thikho ya u funza vhana mikhwa na vhuḓifari havhuḓi vhune vha ḓo vhu shumisa kha vhutshilo havho hoṱhe mahayani, zwikoloni, mishumoni, kerekeni na hoṱhehoṱhe. Ṱhoḓisiso iyi yo dovha hafhu ya sumbedza na masiandaitwa a mikhwa na vhuḓifari vhu si havhuḓi. Ho ḓo wanala mawanwa na themendelo dzi bvaho kha mafhungo o kuvhanganywaho a themendelaho uri naho hu khou vha na u dzhenelela ha zwithu zwinzhi zwa maitele a musalauno, kha ri ḓiṋee tshifhinga tsha u anetshela vhana na zwiḓuhulu zwashu ngano sa zwe zwa itwa nga vha musalauḽa u itela u vhulunga luambo na mvelele yashu ya Tshivenḓa.
